հետաքրքիր տեղեկություններ

Կյանքն օվկիանոսում
Ջրում ապրող օրգանիզմները բաժանվում են երեք խմբի՝ պլանկտոն, նեկտոն, բենթոս: 
Պլանկտոնը կազմված է ջրիմուռներից, խխունջներից, պարզունակ որդերից, որոնցից շատերը կարողանում են սուզվել կամ վեր բարձրանալ, իսկ ընկնելով օվկիանոսային հոսանքների մեջ՝ տեղանքից հեռանալ հազարավոր կիլոմետրեր:
Նեկտոնն ակտիվ շարժվող կենդանիներն են` ձկները, փոկերն ու ծովային կրիաները, կաթնասունները և այլն, որոնք կարող են կտրել-անցնել հազարավոր կիլոմետրեր, իջնել ու բարձրանալ տարբեր խորություններ: 
Բենթոսը հատակաբնակ օրգանիզմներն են` խխունջները, սպունգները, փշամորթները և այլն:
Օվկիանոսի խորքում խավար է: Հսկայական ճնշման տակ սառը ջրում լողում են արտասովոր տեսքով ձկներ, որոնց մեծ մասը կույր է և զոհին հրապուրելու համար լույս է արձակում:
Օվկիանոսների հատակին դարերի, հազարամյակների ընթացքում գոյանում են նստվածքներ: Գետերի ջրերով տարված կամ օդից փոշու ձևով իջած տիղմը և մահացած օրգանիզմների մնացորդները գոյացնում են նստվածքային շերտեր, որոնք, հետագայում խտանալով, դառնում են նստվածքային ապարներ՝ կրաքարեր, թերթաքարեր, ավազաքարեր:

Բարենցի ծով

Բարենցի ծով

 

Բարենցի ծովի արբանյակային լուսանկար

Բարենցի ծով (նորվ.՝ Barentshavet, մինչ 1853 թվականը՝ Մուրմանսկի ծով, Մուրման), Հյուսիսային սառուցյալ օվկիանոսի ծայրամասային ծով՝ Եվրոպայի հյուսիսային ափի և Շպիցբերգեն, Ֆրանց Յոսիֆի երկիր և Նոր երկիրկղզիների միջև։

Ողողում է Ռուսաստանի և Նորվեգիայի ափերը։ Արևմուտքում սահմանակցում է Նորվեգական ծովին, հարավում՝Սպիտակ ծովին, արևելքում՝ Կարայի ծովին։ Մակերեսը 1 424 000 կմ² է, գերակշռող խորությունը 360֊400 մ, առավելագույնը՝ 600 մ։ Խոշոր կղզին Կոլգուևն է։

Ծովն է թափվում Պեչորա գետը։ Գլխավոր նավահանգիստներն են Մուրմանսկը և Վարդյոն։

Անվանում

Կոչվել է ի պատիվ հոլանդացի ծովագնաց Վիլեմ Բարենցի, ով 1594֊1997 թվականներին հետազոտել է այն՝ երեք անգամ փորձելով Հյուսիսային ծովային ուղիով անցնել Ատլանտյան օվկիանոսից Խաղաղ օվկիանոս, բայց նրան այդ չհաջողվեց, իսկ ինքն էլ զոհվեց Նոր երկիր կղզու հյուսիսային ափի մոտ։

Картинки по запросу բարենցի ծով