Տպավորություններ Սևանից

Օգոստոսի 15-ից 17-ը Արևմտյան դպրոցի և ֆրանսահայ սովորողներով գնացել էինք 3 օրով Սևանի <<Ժայռ ափը>>: Երբ հասանք տեղ ընկեր Սոնան մեզ բաշխեց ըստ տնակների: Հետո մենք խաղացինք տարբեր հետաքրքիր խաղեր: Ամբողջ օրը խաղալուց հետո եկավ գիշերը և եկավ օրվա ամենալավ պահը: Մենք խաղացինք բոլորի կողմից սիրված Մաֆիան: Ինձ բաժին էր ընկել կարմիր խաղացող և կարմիրները հաղթեցին: Առավոտյան լվացվելուց հետո բոլորս հավաքվեցինք ափում՝ ընկեր Ալինայի գլխավորությամբ առավոտյան նախավարժանք անելու, 15 րոպե էլ ընդհանուր պարապմունք արեցինք: Նախաճաշից հետո գնացինք ափ՝ գիրք կարդալու: Ես կարդում էի <<Հարրի Փոթերը և հրե գավաթը>> ռուսերեն տարբերակով: Կարդալուց հետո մի լավ լճում լողացինք, իսկ հետո կրկին անցանք խաղերին: Այս գիշեր էլ Մաֆիա խաղացինք: Կրկին կարմիր էի, բայց ցավոք ընկերներիցս մեկը խախտեց խաղի կանոնները և մենք պարտվեցինք: Հաջորդ առավոտ բոլորս հավաքեցինք մեր տնակներն ու պայուսակները, իսկ 2-3 ժամ խաղալուց հետո նստեցինք ավտոբուս և վերադարձանք տուն: