Տպավորություններս եռօրյա դեպի Արատես ճամփորդությունից

Մայիսի 17-ից 19-ը միջին դպրոցի վեցերորդ դասարանցիների մի խումբ մեկնեց Արատես դպրական կենտրոն՝ <<ռազմամարզական ճամբար>> նախագծի շրջանակներում։ Ճանապարհն անցավ շատ ուրախ, հետաքրքիր ու շրջապատված լավ ընկերներով։ Ահա նկար ճանապարհից։

Շարունակել կարդալ “Տպավորություններս եռօրյա դեպի Արատես ճամփորդությունից”

Ճամփորդություն դեպի Արատես

Վայրը՝ Վայոց ձոր, Արատեսի դպրական կենտրոն

Պատասխանատու դասավանդողներ` Վարդուհի Հայրյան, Ստելլա Մնացականյան          Մարզիկ`  Ռոզա Գսպոյան

Վայրը՝ Վայոց ձոր, Արատեսի դպրական կենտրոն

Մեկնում՝ մայիսի 17-ին, ժամը 10:00 -ից Երևան — Նորավանք — Արատես

Վերադարձ՝ մայիսի 19-ին, ժամը 17:00-ին Արատես — Սմբատաբերդ — Երևան

Շարունակել կարդալ “Ճամփորդություն դեպի Արատես”

Եռորյա ճամփարդություն դեպի Արատես

Ճամփորդության իրականացման ժամանակահատվածը`  Մարտի 26-28

Ճամփորդության երթուղին՝

Պատասխանատու դասավանդողներ` Վարդուհի Հայրյան, Քրիստինե Սահակյանց          Մարզիչ`  Նաիրա Հարությունյան

Վայրը՝ Վայոց ձոր, Արատեսի դպրական կենտրոն

Մեկնում՝ մարտի 26-ին, ժամը 9:30 -ից Երևան-Արենի-Արատես

Վերադարձ՝մարտի 28-ին, ժամը 17:00-ին Արատես-Նորավանք-Երևան

Նպատակ

 Օրակարգ

Փետրվարի 26

  • 9:30  մեկնում կրթահամալիրի մարզադաշտերի մոտից
  • 11։30-15։00 տեղավորում, մարզական խաղեր, ֆուտբոլ ձյան վրա
  • 15։30-16։15 ճաշ
  • 16։30-17։30 ինտելեկտուալ խաղեր
  • 18:00-19:00 ծանոթացում Արատեսի վանքի հետ
  • 19։30-20:15 ընթրիք
  • 20.15 օրվա ամփոփում, քննարկում, հանգիստ

Փետրվար 27

  • 9։00 վերկաց
  • 9:30 հ իգիենայի ժամ
  • 10։00  նախաճաշ
  • 12։30-15։00 գարնանային, մարզական խաղեր, բացում նետաձգություն
  • 15։30-16։15 ճաշ
  • 16։30 գարնանային, մարզական խաղեր, հրաձգություն
  • 19։30-20:15 ընթրիք
  • 20.30 օրվա ամփոփում, քննարկում, հանգիստ

Փետրվար 28

  • 9։00 վերկաց
  • 9:30 հիգիենայի ժամ
  • 10։00 նախաճաշ
  • 11։00 գարնանային, մարզական խաղեր, հրաձգություն
  • 16:00 նախապատրաստական աշխատանքներ, վերադարձից առաջ
  • 17:00 վերադարձ՝ Արատես, Նորավանք, Արտաշատ, Երևան երթուղով:
Գիշերակացը` Արատեսի դպրական կենտրոնում
Նախահաշիվ` սնունդը-3000դրամ, երթուղային-3000դրամ
Սննդի կազմակերպումը` տեղում, որպես ուսումնական հմտություն

Անհրաժեշտ իրեր.

  • Ուսապարկ
  • Քնապարկ
  • Տաք հագուստ, գուլպաներ, ձեռնոց, գլխարկ
  • Սպորտային համազգեստ, տաբատներ
  • Տաք, ձմեռային կոշիկներ
  • Հիգիենայի պարագաներ
  • Բրդուճներ, ջուր
Նախապատրաստական աշխատանք՝ 
Քարտեզագրում, բլոգներում տեղեկության տեղադրում Արատեսի մասին:
Արդյունքում՝
Բլոգների ստեղծում, հետաքրքիր  ֆոտոնախագծերի ներկայացում:

Տպավորություններ յոթ օրյա Ստամբուլից

Դեկտեմբերի 8-ից ուղիղ մի շաբաթ մենք եղել ենք Ստամբուլում։ Ճանապարհը շատ երկար ու հոգնեցնող էր՝ 28 ժամ։ Երբ հասանք տեղ, մեզ դիմավորեցին այն մարդիկ, ում տանը մենք այս մեկ շաբաթը պետք է մնայինք։ Ես մնում էի տիկին Թալինի, պարոն Րաֆֆիի, Լորիի և Այքի տանը։ Նրանք շատ հյուրընկալ,  կրթված մարդիկ էին, որոնք ինձ շատ դուր եկան։ Երբ արդեն նրանց տանն էի, ես մի քիչ հուզվում էի, կարոտում ծնողներիս, բայց երկու օր անց ամեն ինչ լավ էր։ Նրանք ամեն ինչ անում էին, որ ես ինձ լավ զգայի ու լավ տպավորություններով վերադառնայի Հայաստան։ Առաջին օրը ընտանիքներում մնացինք։ Ես ընտանիքիս հետ գնացել էի զբոսանքի։ Ես տեսա, որ թուրքերը ավելի վաղ են զարդարում քաղաքը, քան մենք։


Երկուշաբթի


Երկուշաբթի օրը մենք գնացինք Կարագյոզյան (Գարակոզեան) վարժարան։ Այնտեղ ծանոթացանք ուսուցիչների հետ։ Ծանոթությունից հետո գնացինք վարժարանի հիմնադիր Տիգրան Էֆէնտի Գարակէօզեանի սենյակ, որտեղ մեզ պատմեցին բարերար-հիմնադրի մասին։ Գնացինք նաև նկարչության և արվեստի դասարան, որտեղ պատմում էին Սարգիս Զապունեանի մասին։Հանդիպման ընթացքում մեզ   տվեցին փայտե կտորներ, որպեսզի մենք քաղաք կամ տուն կառուցենք, հետո քանդենք այն և ասենք, թե որն էր քանդելու իմաստը։ Իմ կարծիքով իմաստն այն էր, որ պետք չէ միշտ հետ նայել, պետք է միայն ու միայն նայել առաջ, հաղթահարել ամեն ինչ, ձգտել՝ հասնելու ամեն ինչի ու լինել ժամանակակից։ Հետո մեզ օրապահիկ տվեցին և Կարագյոզյան վարժարանի կողմից նվիրած պայուսակներ։ Մենք դուրս եկանք Ստամբուլով մեր առաջին պտույտին։ Մտանք Թոպկապի պալատ, որտեղ շատ գեղեցիկ բաներ տեսա ու լուսանկարեցի։ Նաև ունեցանք խմբանկար։ Գնացինք նաև Պոլսո պատրիարքարան, որտեղ նույնպես գեղեցիկ իրեր կային, և ես նույնպես լուսանկարեցի։ Մենք մեր երգի ուսուցիչ ընկեր Հասմիկի հետ երգեցինք երգեր։ Հետո էլ վերադարձանք ընտանիքներ, որտեղ ես Լորիի և տիկին Թալինի հետ պատրաստեցի քաղցր պիցցա, որի մեջ կար մաշմելլո, աղի ձողիկներ և Nestle շոկոլադ։ Պատրաստեցինք նաև slimygloop, որը շատ օրիգինալ ստացվեց։


Երեքշաբթի

Երեքշաբթի առավոտյան մենք գնացինք վարժարան։ Վարժարանում երգեցինք մեր սովորած երգերը, պարերգերը։ Դպրոցում նաև թղթերով անիմացիա ստեղծեցինք։ Հետո էլ գնացինք շախմատի դասարան՝ սուդոկուի մրցումի։ Մենք երկու խնդիր լուծեցինք: Ճաշից հետո դուրս եկանք պտույտի։ Առաջինը այցելեցինք Բեշիքթաշի եկեղեցի։ Գեղեցիկ իրեր կային եկեղեցում, որոնք ես լուսանկարեցի։ Հետո գնացինք Դոլմաբահչե պալատ, որն այս ճամփորդության ընթացքում ինձ ամենաշատը դուր եկավ։ Դոլմաբահչեում շատ գեղեցիկ իրեր կային, որոնք ուղղակի հնարավոր չէր չլուսանկարել։ Այնտեղ ներկայացված էին սուլթանի կնոջ, իր և իր մոր սենյակները, որտեղ նրանք հանգստանում էին, ճաշում, քնում և հանրահավաքներ անցկացնում։ Գնացինք նաև թանգարան, որտեղ նույնպես ներկայացված էր սուլթանի տունը։ Հետո գնացինք Սուրբ Աստվածածին եկեղեցի, որտեղ աղոթեցինք, մոմ վառեցինք, երգեցինք ավետիսներ, երգեր ու հետո գնացինք ճաշակելու նրանց ազգային հացը՝ սիմիթը։ Այն շատ համեղ էր։ Հետո մենք նստեցինք ավտոբուս և վերադարձանք ընտանիքներ։ Ընտանիքում խաղացինք մոնոպոլիա։ Խաղը շատ երկար տևեց, բայց վերջում ես հաղթեցի։

Չորեքշաբթի

Չորեքշաբթի օրը մենք նույնպես եղանք Գարակէօզեան վարժարանում։ Այս անգամ մեր օրվա մեծ մասն անցկացրինք այնտեղ:  Երեք ժամ եղանք Զահրատի բանաստեղծությունների վերաբերյալ սեմինարի։ Հետո դուրս եկանք Շիշլիի գերեզմանատուն։ Այնտեղ տեսանք վարժարանի հիմնադիր Տիգրան Էֆէնտի Գարակէօզեանի գերեզմանաքարը և Զահրատի գերեզմանաքարը։ Այդ ընթացքում այնքան խոշոր ու արագ ձյուն էր գալիս, մոտ ցուցամատիս չափ էր ձյան փաթիլի չափը։ Այդպես մրսած գնացինք Mc’donalds: Այնտեղ ճաշեցինք ու կրկին վերադարձանք վարժարան։ Վարժարանում պատրաստեցինք նախակաղանդային ուտեստ Անուշապուրը։ Մենք ծիրանի չիր կտրատեցինք ու հաց թխեցինք։ Ահա այսպես էլ մենք անցկացրեցինք չորեքշաբթին։

Հինգշաբթի

Հինգշաբթի օրը առավոտյան կրկին վարժարանում էինք։ Գնացինք Կենտրոնական դպրոց, որտեղ ժամանել էր մեր ավագ դպրոցի ճամփորդական խումբը։ Քանի որ դպրոցի հենց կողքին եկեղեցի կար, մենք մասնակցեցինք պատարագին։ Այնտեղ աղոթեցինք, մոմ վառեցինք։ Կենտրոնական վարժարանում ճաշելուց հետո մենք այցելեցինք մեծ շուկա։ Այնտեղ գեղեցիկ իրեր կային, բայց մենք ոչինչ չգնեցինք, որովհետև այնտեղ զբոսաշրջիկների համար երեք անգամ թանկ էին վաճառում։ Հետո գնացինք Փարաջանովի  թանգարան։ Իսկ հետո վերադարձանք վարժարան՝ երեկույթի։ Այնտեղ երգեցինք, պարեցինք, Զահրատ արտասանեցինք, ուրախացանք։ Նաև եկավ Ձմեռ պապը և մեզ բաժանեցին կոնֆետներ, որոնց վրա թվեր էին գրված, որոնք վիճակահանության ժամանակ հաղթելիս նվերներ էինք ստանալու։ Ես ստացա ականջօղեր, որոնք Հայաստանում տվեցի մայրիկիս։ Եվ ամենավերջում մենք կերանք մեր պատրաստած անուշապուրը։ Այն ինձ այդքան էլ դուր չեկավ, իսկ միակ բանը, որի համը չէր խառնվել ուրիշ համի՝  նուռն էր։ Այսպես էլ անցկացրինք Հինգշաբթին։

Ուրբաթ

Ուրբաթ օրը ժամանեցինք վարժարան։ Վարժարանում եղանք կենսաբանության կաբինետում։ Այնտեղ ուսումնասիրեցինք տերևի բջիջներ, նաև մանրադիտակով տեսանք ձկների մի փոքր տեսակի, ուսումնասիրում էինք նրա տեսքը շարժումները և այլն․․․ Մենք եղանք նաև Գալաթայի աշտարակին մոտ գտնվող մի առևտրական թաղամաս, որտեղ էլ ես իմ գնումները արեցի։ Ընտանիքիս և ինձ համար գնեցի նվերներ, իսկ հետո արդեն երեկոյան գնացինք կենտրոնական վարժարան, որտեղ էլի երեկույթ էր կազմակերպված։ Էլի երգեցինք, պարեցինք ու ուրախացանք, վերջում էլ ինչպես հինգշաբթի, Ձմեռ պապը եկավ, նվերներ տվեց ու մենք վերադարձանք ընտանիքներ։


Շաբաթ

Շաբաթ օրը մենք շատ ուրախ էինք, որ ևս մեկ օր մնալու ենք Ստամբուլում։ Ես ընտանիքում Այքի հետ մի քիչ խաղացի, որից հետո մենք գնացինք բոուլինգի, իմ ընկերների հետ միասին։ Բոուլինգից հետո գնացինք ռեստորան, և ես փորձեցի թուրքական շաուրման, որը շատ համեղ էր։ Հետո վերադարձանք տուն, խաղացինք տարբեր խաղեր և գիշերը բոլորով դիտեցինք ՙՙՄաուգլիի՚՚ ֆիլմը։ Իսկ կիրակի օրն էլ արդեն վերադարձանք Հայաստան։

Ինձ այս ճամփարդությունը շատ դուր եկավ, սովորեցի և տեսա շատ բաներ և եթե ևս մեկ անգամ այսպիսի բան պլանավորվի, ես անպայման կմասնակցեմ՝ իմանալով, որ Ստամբուլում ունեմ ընտանիք։

Նոթեր Գյումրիից

Ես մարտի 24-ին իմ համադասարանցիների և ընկերների հետ 3 օրով գնացել եմ Գյումի: Ճանապարհին այցելել ենք Արուճի Սուրբ Գրիգոր եկեղեցի։ Եկեղեցին խոնարհված էր, քանի որ գմբեթը չկար և այնտեղ այլևս չեին կատարվում արարողություններ։ Եկեղեցում երգել ենք եկեղեցական երգեր, որոնք մենք սովորել ենք դպրոցում՝ ընկեր Նարինեյի և տիկին Սոֆիայի հետ: Միջավայրի օդն այնքան մաքուր էր, ծառերը կանաչ էին և այդ ամենն ինձ այնքան հարազատ էր, որ իսկույն ճանաչեցի այդ միջավայրի օդն ու բնությունը։

Երբ ժամանեցինք <<Շալե>> հյուրատուն, որտեղ մենք անցկացրեցինք այդ 3 օրը, ճաշեցինք, մի փոքր հանգստացանք և գնացինք հայորդաց տուն, որտեղ մեզ միացան Արևելյան դպրոցի ովորողներն ու ուսուցիչները։ Միասին քայլեցինք Գորկի սադով, որտեղ մենք կատարեցինք միասնական Չարենցյան ընթերցումներ։ Միասին մտանք Սուրբ Ամենափրկիչ և Յոթ վերք եկեղեցիները, որից հետո քայլեցինք Սլոբոդկա փողոցով, տեսանք <<մեր մանկության տանգո>>-ի պատշգամբը։ Այն փլվել էր 1988 թվականի դեկտեմբերյան երկրաշարժի հետևանքով։

Արդեն երկրորդ օրը մենք Իմ Ֆռռիկի արհեստանոց ենք գնացել և տեսել, թե ինչպես են վարպետները գեղեցիկ հնարքներով պտտացնում ֆռռիկը (հոլը)։ Մենք նաև գնեցինք հոլեր, շատերը գնեցին նաև գլուխ կոտրուկ, որի անունն էր <<Տեյմորտակ>>։ Այդ բառը նշանակում է մինչև վերջ։ Խաղի իմաստը՝ հավաքել 1-15 թվերը հերթականությամբ, աճման կարգով։ Հետո գնացինք Ձիթոնցոնց թանգարան։ Այնտեղ տեսանք շատ գեղեցիկ հին իրեր, որոնք Գյումրեցիները օգտագործել են հին ժամանակներում։ Իսկ երեկոյան գնացել ենք Յաղլի հաուս, որ համտեսենք գյումրու յաղլին։ Այն իսկապես համեղ էր։ Իսկ գիշերը մեր հյուրատան տնօրենը՝ ընկեր Անին մեզ համար հետաքրքիր ու զվարճալի խաղ կազմակերպեց, խաղացինք, ֆիլմ նայեցինք և այսքանով ավարտեցինք մեր երկրորդ օրը։ Իսկ երրորդ օրը մեր վերադառնալու օրն էր։ Մինչ մեկնելը մեզ այցելեց ազգագրագետ Կարինե Սահակյանը, ով պատմեց մեզ Զատկի ու Ծառզարդարի մասին։ Վերադառնալուց այցելել ենք ընկեր Անիի կենդանաբուծական ֆերման, որտեղ կային Գամփռներ, Վանակատուներ և մեծ ու փամփլիկ նապաստակներ։ Ճանապարհին մենք մտանք Հառիճավանք և Մաստարա եկեղեցիներ, որից հետո վերադարձանք Երևան։ Շատ հետաքրքիր ու գիտաբնահայրենաերաժշտական 3 օր անցկացրեցինք Գյումրիում։

Եղեգնաձոր. Եղեգիս, Ս. ԱՍՏՎԱԾԱԾԻՆ ԵԿԵՂԵՑԻ, ԶՈՐԱՑ ԵԿԵՂԵՑԻ (ԵԿԵՂԵՑԻ Ս. ՍՏԵՓԱՆՈՍ )

d0b1d0b5d0b7d18bd0bcd18fd0bdd0bdd18bd0b9777
Պատասխանատու
` Անահիտ Եղյան
Օգնական` Շողիկ Պողոսյան, Բաբկեն Փաշինյան
Մասնակիցներ՝ 4-5-րդ դասարանի սովորողներ
Նպատակը՝  Ուսումնահետազոտական և հայրենագիտական ուսումնասիրություն Եղեգնաձորում, «Քլորոֆիտումի տարածումը» նախագծի իրագործում:
Արդյունքը` սովորողների և դասավանդողների հաշվետու նյութեր` հրապարակված
բլոգներում, կայքում, ռադիոլուր, մարզական տսուգատեսի ֆիլմի նկարահանում

Նախագծեր`

  • Էկոտուր 2017
  • Ուսումնական գարուն
  • Կրթական փոխանակումներ՝ Եղեգնաձորի դպրոցի հետ — ներկայացնում ենք «Էկոտուր 2017», զրույցներ մեդիագրադարան, կարդում ենք Թումանյան, Չարենց

Հայրենագիտություն`  Եղեգնաձոր, Եղեգիս գյուղի ս. Աստվածածին եկեղեցի, Զորաց եկեղեցի՝ ս. Ստեփանոս եկեղեցի, Սմբատաբերդ

Նախահաշիվ

Գիշերակաց-իրենց հասակակից ընկերների տներում
տրանսպորտ-2-երկկողմանի-4000 դրամ
սնունդ-երկու օր 2000 դրամ
Ընդհանուր մեկ սովորողի ուղեգրի արժեքը — 6000 դրամ
Ակնկալում եմ կրթահամալիրի օգնությունը տրանսպորտային վճարի մասնակի փոխանցմամբ, խրախուսական մրցանակ:

24.03.2017
08:30 մեկնում Երևանից
11:00 կանգառ Նորավանք
12:30 ժամանում Եղեգնաձորի թիվ 2 հիմնական դպրոց, հանդիպում  սովորողների և դասավանդողների հետ, տնօրեն՝ Անահիտ Սարգսյան, համատեղ ծառատունկ, կլոր սեղան՝ նախագծերի, ծրագրերի ներկայացում, սպորտային հանդիպում` վոլեյբոլ, ֆուտբոլ:
15:00 ծանոթանում ենք Եղեգնաձորին` հանդիպում բնակիչների հետ, հարցազրույց
17:00 ընթրիք
19:00 շրջայց գիշերային Եղեգնաձորում
20:30 տեղավորում իրենց հասակակից ընկերների տներում, օրվա ամփոփում
22:00 քուն

25.03.2017

09:00 վերկաց, հիգիենայի ժամ
09:30   նախաճաշ
11:00 այցելություն Եղեգիս գյուղի ս. Աստվածածին եկեղեցի
12:00 այցելություն Եղեգիս գյուղի Զորաց եկեղեցի՝ ս. Ստեփանոս եկեղեցի
13:00 այցելություն Սմբատաբերդ
15:30 վերադարձ` բնապահպանական քայլարշավ Արփա գետի երկայնքով (ճանապարհին-արշավային բրդուճներ, ջուր)
18:00 ժամանում Երևան

Համագործակցել ենք Եղեգնաձորի թիվ 2 հիմնական դպրոցի տնօրեն Անահիտ Սարգսյանի հետ, ունենք հանդիպում այդ դպրոցի սովորողների և դասավանդողների հետ: Գիշերելու ենք Եղեգնաձորում, յուրաքանչյուր սովորող՝ իր հասակակից ընկերոջ տանը

Անհրաժեշտ իրեր

Հարմար ուսապարկ՝ քայլարշավի ժամանակ անհրաժեշտ իրերը մեջը դնելու համար
Սնունդ , բրդուճներ, ջուր
Ատամի մածուկ, խոզանակ, սրբիչ, օճառ, սանր, անձեռոցիկ
Գլխարկ, անձրևանոց, տաք հագուստ, ամուր կոշիկներ
Անհատական ճամփորդական ափսե, բաժակ, պատառաքաղ
Թվային տեխնիկա՝ ֆոտոխցիկ, պլանշետ:

 

Աղբյուրը՝ Անահիտ Եղյանի բլոգից

աղավնավանք

Աղավնավանք, 12 — 13-րդ դարերի կիսավեր հայկական վանքային համալիր Հայաստանի Տավուշի մարզի համանուն գյուղում։ Հայտնի է նաև Անապատ Սբ. Աստվածածին և Աղնաբաթի վանք անուններով։ Գտնվում է Աղնաբաթ անտառամասում, որն առանձնանում է այստեղ աճող և բարձր գնահատվող կենի (կարմրածառ) ծառատեսակով։ Եկեղեցուց մոտ 50 մետր հեռավորության վրա, գետափին, ծառերով շրջապատված զբոսախնջույքի սեղան կա։

Եկեղեցու ճարտարապետությունը

Եկեղեցին փոքրաչափ կենտրոնագմբեթ կառույց է՝ ավանդատներով։ Կառուցված է դեղնավուն, սրբատաշ չեչաքարից։ Որմնասյուները միացնող կամարներն իրենց վրա պահում են գմբեթը, որն ավարտվում է սրածայր վեղարով։ Արևելյան ճակատին փորված է երկու եռանկյունաձև խորշ։ Գմբեթի վեղարը և եկեղեցու տանիքը ծածկված են եղել սրբատաշ սալաքարերով, որոնցից մի քանիսն են պահպանվել տանիքին, իսկ վեղարն ամբողջությամբ մերկացել է։ Թափվել են նաև քիվի ձևավոր քարերը։

Հուշարձանից դեպի հարավ պահպանվել են բազմաթիվ կառույցների մնացորդներ, որոնք, հավանաբար, եկեղեցու միաբանության բնակելի և տնտեսական շինություններն են եղել։ Եկեղեցու վիմագրությունն աղքատիկ է։ Ավանդատների արևմտյան ճակատներին փորագրությունների հետքեր կան, որոնց տառաձևերը բնորոշ են 12 — 13-րդ դդ. վիմագրության արվեստին։

Եկեղեցին այսօր[խմբագրել | խմբագրել կոդը]

Եկեղեցին գործող չէ, սակայն տարիներ առաջ հրավիրյալ քահանան մկրտության արարողություն է անցկացրել Աղավնավանք գյուղի չմկրտված բոլոր բնակիչների համար։ Եկեղեցին այսօր ունի բազմաթիվ այցելուներ, որոնք իրենց ուժերով ձևավորել են խորանը։ Այստեղ մշտապես կատարվում է մոմավառություն։ Մուտքից մի քանի մետր հեռավորության վրա գտնվող ծառերից մեկն այցելուները վերածել են «երազանքի ծառի»՝ թաշկինակներ կապելով ճյուղերին և մտքում պահելով երազանք։

Պատկերասրահ[խմբագրել | խմբագրել կոդը]