Իմ ձմեռային արձակուրդները

Ես իմ ընտանիքի հետ 2020 թվականը դիմավորեցինք ուրախությամբ, սիրով, ցնծությամբ։ Մեր ընտանիքում կան ավանդույթներ, սովորություններ։ Նրանցից մեկն այն է, որ մենք մինչ նոր տարվա գալը համացանցով կապնվում ենք մեր հարազատների հետ և միասին դիմավորում նոր տարին։ Հունվարի մեկին արդեն գնում ենք մեր բարեկամների և հարազատների տուն, շնորհավորում նրանց։ Արձակուրդս նաև անցկացրել եմ ընթերցանությամբ։ Ես կարդացել եմ վերջերս թարգմանված, Ջոան Քեթլին Ռոուլինգի “Հարրի Փոթերը և կրակի գավաթը” գիրքը։ Ես շատ եմ սիրում այս տղայի պատմությունը և չնայած նրան, որ ես մի գիրքը կարդացել եմ նախկինում, հետաքրքրությամբ կարդում եմ ևս մեկ անգամ։ Այս գիրքը ես չեմ հասցրել լրիվ կարդալ, բայց իմ կարդացած մասի ամենահետաքրքիր հատվածն այն էր, որ Հարրին ու իր ընկերները գնում էին իրենց աշխարհում որպես սպորտ ընդունված “Քվիդիչի” աշխարհի առաջնությանը։ Այսպիսով ես իմ արձակուրդները անցկացրեցի ուրախությամբ և հաճույքով։

Դդմի չիր-պատում

Այսօր մենք ճամբարային նախագծերի ժամանակ պատրաստեցինք դդմի չիր։ Սկզբում դդումը կտրատեցինք, լցրեցինք շաքարաջրի մեջ, եռացրել ենք, դրել սկուտեղների վրա և տարել ջերմոց։ Այս չիրը մենք ներկայացնելու ենք մոտակա օրերիս սկսվող դդմի փառատոնին։ Կարծում եմ, որ մեր չիրը կլինի լավագույնը։

Լուսաբանում 17.01.2018

Այսօր մեր ճամբարային 8-րդ օրն է: Մենք գնացինք երգի կաբինետ՝ երգի փորձն անելու: Երգի փորձից հետո մենք գնացինք դասարան: Մենք նկարեցինք Հանս Քրիստիան Անդերսենի եղևնի հեքիաթի ևս մի քանի հատված, որովհետև մենք չէինք կարող 6 նկարով պատմել ամբողջ տեքստի մասին: Հետո մենք գնդակ վերցրեցինք նախակրթարանից և գնացինք մարզադահլիճ, որ գործնագործ խաղանք: Քանի որ ես շատ ճկուն եմ, իմ թմին դժվար չեղավ հաղթել: Խաղացինք մինչև 12:05-ը, իսկ հետո զբաղվեցինք շրջակայքի մաքրությամբ: Վերադարձանք դասարան և ես ընկերներիս հետ շախմատ խաղացի: Այս օրը շատ-շատ հետաքրքիր էր:

Լուսաբանում 16.01.2018

Այսօր մեր ճամբարային 7-րդ օրն է: Մենք մի քանի ջոկատների հետ գնացել ենք երգի սրահ՝ ռուսերեն երգերը երգելու: Մենք երգեցինք я узнала маленький секрет երգը, որովհետև մեդիաուրբաթին դա ենք ներկայացնելու: Երբ վերջացրինք փորձը գնացինք դասարան: Մեր անգլերենի տեքստի համար նկարներ էին անհրաժեշտ և մենք paint ծրագրով նկարեցինք այդ հեքիաթից մի որևէ հատված: Երբ ընդմիջում էր ես, Աշոտը և Տիգրանը՝ իմ ընկերերը շախմատ խաղացինք: Ինչպես միշտ ես Տիգրանին հաղթեցի, իսկ Աշոտի հետ ոչ-ոքի: Ընդմիջումից հետո ընկեր Լիլիթը մի քանի հոգու հավաքեց և գնացինք ռոբոտիքսի: Քանի որ ես 1 տարի ռոբոտիքսի եմ հաճախել, ինձ շատ հաճելի էր նորից տեսնել ընկեր Գնելին:

Օրվա լուսաբանում 15.01.2018

Այսօր ճամբարային 2 շաբաթվա առաջին օրն է: Մենք ամբողջությամբ վերջացրինք մեր անգլերեն և ռուսերենի տեքստերը, ձայնագրեցինք, որ միացնենք իրար և դնենք բլոգում: Իսկ այսօր մենք սովորեցինք մեր մեդիաուրբաթի երգերը: Դրանք ռուսերեն լեզվով էին, իսկ անգլերեն լեզվով դեռ չենք սովորել: Ընկեր Էլինայի երգերը մենք սովորեցինք ընկեր Արմինեի ջոկատի հետ: Երբ վերադարձանք դասարան, երկարօրիայի սկսելուն շատ քիչ էր մնացել, ես որոշեցի իմ ընկերներ Աշոտի և Տիգրանի հետ շախմատ խաղալ: Տիգրանին ես հեշտությամբ հաղթեցի, իսկ Աշոտի հետ ոչ ոքի արեցի, քանի որ ես և Աշոտը շախմատում հավասարազոր ենք: Այս օրն ինձ համար նույնպես լավն էր:

Օրվա լուսաբանում 12.01.2018

Այսօր ուրբաթ օր է՝ այս շաբաթվա մեր վերջին օրը: Ընդհանուր պարապմունքից հետո մենք հագանք մեր մարզական հագուստները, գնացինք մայր դպրոց, որ սեղանի թենիս խաղանք: Ով խաղալ չգիտեր խաղալ, նրան սովորեցնում էր ընկեր Հասմիկը: Երբ բոլոր մասնակիցները սովորեցին խաղալ մենք միմյանց հետ մրցեցինք: Բոլորս խաղում էինք ընկեր Հասմիկի հետ, ով կարողացավ ամենաշատը դիմադրել, նա էլ կհաղթի: Այդ մրցման ժամանակ ես հաղթեցի, հավաքելով 13 միավոր: Այսօրվա մեր խաղերը ավելի բազմազան էին և հետաքրքիր: Մենք խաղացինք հիշողության խաղ, Twister և հայերեն լեզվով մոնոպոլիա: Մոնոպոլիան կիսատ մնաց, որովհետև արդեն սկսվել էր երկարօրիայի ժամը: Այս օրը նույնպես լավն էր մնացածների պես:

Օրվա լուսաբանում 11.01.2018

Այսօր մեր ճամբարային 4-րդ օրն է: Այսօր մենք ավարտեցինք մեր թարգմանչական աշխատանքները: Անգլերենի տեքստը մենք սովորեցինք կարդալ, իսկ Ռուսերենի տեքստը՝ քանի որ այն մուլտֆիլմ էր, մենք նկարեցինք մուլտֆիլմի կենդանիներին: Իմ մոտ այդքան էլ չստացվեց նկարել, բայց այն շատ հետաքրքիր էր: Այսօր մենք նաև ունեցանք համեղ ժամ: Այսօր պիցցա պատրաստեցինք: Մենք գնացինք Yerevan City խանութ և այնտեղ պարագաները գնեցինք: Երբ վերադարձանք դպրոց, մենք խաղացինք մեր սիրելի հիշողության խաղը: Խաղի ավարտից հետո մենք գնացինք ձեռքերը լվալու, որպեսզի պիցցա պատրաստենք: Խոհանոցում տեղավորվելուց հետո ուսուցիչները մեզ տվեցին դանակ և տախտակ որպեսզի աշխատենք: Բոլորս անհամբեր սպասում էինք, թե երբ պիցցան պատրաստ կլինի: Պիցցան շատ համեղ էր: Սա էլ մեր այսօրը:

Օրվա լուսաբանում 09.01.2018

Այսօր մեր ձմեռայյին ճամբարի 2-րդ օրն է: Մենք այսօր ևս թարգմանեցինք 2 տեքստ՝ <<Мы идём по джунглям>>-ից մի հատված և Հանս Քրիստիան Անդերսենի <<Եղևնի>> հեքիաթի վերջին մի քանի տողերը: Տեքստերն այնքան էլ դժվար չէին: Ինչպես երեկ, այսօր մենք նույնպես խաղացինք հիշողության խաղ, բայց ես չհաղթեցի: Եվ ամենավերջում մենք գնացինք բակ, որպեսզի օգնենք մեր դպրոցի այգեգործ՝ ընկեր Էդմոնին: Միասին հավաքեցինք գետնի տերևները և կույտ արեցինք, որպեսզի հավաքենք և տանենք: Այսօրն ինձ նույնպես դուր եկավ, որովհատև այն նույնպես ուսումնական էր, զարգացնող, զվարճալի և հետաքրքիր:

Օրվա լուսաբանում 08.01.2018

Այս օրը բոլորիս համար շատ լավ էր: Այսօր հունվարի 8-ն է՝ մեր ձմեռային ճամբարի  առաջին օրը: Դպրոցում 4-5-րդ դասարանի աշակերտները բաժանվեցին ջոկատների : Ես ընտրեցի ընկեր Էլինայի և ընկեր Լիլիթի թարգմանչական ջոկատը: Մենք  ընկեր Լիլիթի  և ընկեր Էլինայի հետ  թարգմանչական աշխատանք արեցինք:Կարդացինք Հանս Քրիստիան Անդերսենի <<Եղևնին>>  հեքիաթը, մեկնաբանեցինք և որոշ մասը թարգմանեցինք անգլերեն: Մենք նաև ռուսերենից  հայերեն թարգմանեցինք  <<Мы идем по лесу >>  մուլտֆիլմը: 
Հետո  մենք  խաղացինք հիշողության խաղ:  Մենք խաղը խաղում էինք անգլերեն լեզվով,  որում ես հաղթեցի: Օրը ուսումնական էր, զվարճալի և զարգացնող: