Գրականություն տնային առաջադրանք

Այրի կինը և որդի

Մի այրի կին ուներ տասը այծ և մի որդի: Եվ ամեն օր որդին այծերին տանում էր արոտ և մայրն ամեն օր մի շերեփ ջուր էր լցնում կաթի մեջ և փոխ տալիս հարևաններին: Եվ որդին մորն ասաց, թե ինչու ես այդպես ջուր լցնում կաթի մեջ և փոխ տալիս հարևաններին: Մայրն ասաց. «Որդի, մեր կաթը քիչ է, նրա համար եմ անում, որ մեր կաթը մի քիչ ավելի լինի, որ ձմռանը մեզ Թացան լինի»:
Իսկ մի օր, երբ որդին այծերին արոտ էր տարել, երկնքում ծնվեց մի փոքր ամպ, և անձրև եկավ, և հեղեղ եկավ և այծերը սրբեց լցրեց գետը: Որդին տուն եկավ արևով և դատարկ և ձեռքին միայն փայտը: Մայրն ասաց. «Որդի ուր են այծերը և ինչու դու այսօր արևով եկար»: Որդին ասաց. «Մայրիկ, այն մի շերեփ ջուրը, որ խառնում էիր կաթին և փոխ տալիս հարևաններին, հավաքվեց և հեղեղ դարձավ և եկավ մեր այծերը տարավ լցրեց գետը»:

Վերլուծե՛ք առակը։

Առակը այրի կնոջ և նրա որդու մասին էր։ Պետք է ասեմ, որ ինչքան էլ նրանք աղքատ լինեին ու նրանց գումար պետք լիներ, միևնույնն է կինը անազնիվ էր վարվում կաթը վաճառելուց՝ կաթին ջուր ավելացնելով։

Կիսվե՛ք ձեր տպավորություններով։

Ի՞նչ ասույթներ և թևավոր խոսքեր հիշեցիք առակը ընթերցելիս։

“Կյանքը բումերանգ է”, “Ով ինչ անի, իրեն կանի”, “Ուրիշի տակ փոս փորողը ինքն է ընկնում փոսը”

Հայոց լեզու տնային առաջադրանք

Մթնշաղ

Ես սիրում եմ մթնշաղը նրբակերտ,
Երբ ամեն ինչ երազում է հոգու հետ,
Երբ ամեն ինչ, խորհրդավոր ու խոհուն,
Ցրնորում է կապույտ մութի աշխարհում…
Չըկա ոչ մի սահման դնող պայծառ շող,
Աղմուկի բեռ, մարդկային դեմք սիրտ մաշող.—
Հիվանդ սիրտըդ չի՛ տրտնջում, չի՛ ցավում,
Որպես երազ մոռացումի անձավում.
Եվ թվում է, որ անեզր է ամեն ինչ —
Ու ողջ կյա՛նքդ — մի անսահման քաղցր նինջ…

Այս բանաստեղծությունում նկարագրվում է երեկոն՝ մայրամուտը։ Ասվում է, թե ինչ հանգիստ և խաղաղ է ամեն ինչ։ Դու ազատվում ես քո օրվա խնդիրներից ու գլխացավանքից, այլ վայելում ես երեկոն ու հանգստանում։

Վերլուծում տիար Բլեյանի գրերից մեկին

Կարդալով տիար Բլեյանի գրերից մեկը, որտեղ նա պատմում էր իր և իր ընտանիքի մասին, հասկացա, որ նա չափազանց անկեղծ է մեր հանդեպ։ Նա չի ամաչում ոչ մեկից և հանգիստ կիսվում է ուրիշների հետ իր կյանքում կատարված դեպքերով և չի ամաչում նույնիսկ պատմել իր կյանքի կամ ընտանիքի խնդիրների մասին, ինչը մոտ մեր 50% ից ավել մարդկանց մոտ չկա։ Նրանք, ինչպես և ես, չեն սիրում կիսվել իրենց կյանքի կամ շրջապատի խնդիրներով, մտածելով, որ չեն արժանանա այնպիսի պատասխանի դիմացինից, ինչին որ իրենք էն սպասում։

Հայկական Հեղափոխություն նախագիծ

Ես կարդացել եմ <<Թավշյա հաղթանակ>> գրքի 15 տարեկան Անահիտ Բաղշեցյանի կարծիքը թավշյա հեղափոխության մասին։ Նրա գրածի մեջ նա իր ծնողների հետ վիճել էր ԱՄՆ-ում ապրելու շուրջ, նա չեր ուզում լինել իր հայրենիքից մի ամբողջ օվկիանոս հեռու անծանոթ դեմքերի մեջ։ Ծնողների հետ վիճելուց հետո նրա մոտ հարց առաջացավ, թե ո՞վ է նա, որի պատասխանը նրան դուր չեկավ։ Նա պարզեց, որ նա մի սովորական աղջիկ է, ով չի կարող փոխել ինչ որ բան իր ուզածով։ Երբ բողոքի ակցիաները սկսեցին, նա ուզում էր մասնակցել բողոքի ակցիաներին, լինել իր հայրենակիցների կողքին և ինչպես բոլորը՝ պայքարել երկրի բարեկեցիկ ապագայի համար։ Բայց Անահիտի ծնողները ուշադրություն չէին դարձնում և՛ նրան և՛ երկրում կատարվողին, բայց միևնույն է, աղջիկը չէր հանձնվում ու փորձում էր ամեն միջոց գտնել, որպեսզի դուրս գա տնից ու մասնակցի հանրահավաքին։ Վերջապես ժողովուրդը հաղթեց և մենք սկսեցինք ապրել նոր Հայաստանում, ու Անահիտի ծնողները որոշեցին մի քիչ էլ սպասել, եթե երկրի վիճակը փոխվի, Անահիտը կմնա Հայաստանում, իր հայրենիքում ու իր հաղթած ժողովրդի կողքին, իսկ եթե ոչ՝ միևնույն է, ինչպես հանուն երկրի, այնպես էլ հանուն իր Հայաստանում մնալու համար նա պատրաստ է պայքարել։

Ինչքան աշխարհը սիրես ու աշխարհով հիանաս, այնքան աշխարհը անուշ ու ցանկալի կլինի

Իմ կարծիքով մեր աշխարհը, մեր մոլորակը այնպիսի հաճելի ու հրաշքներով լի վայր է, որտեղ մարդիկ ուղղակի հիացած են իրենց երկրով։Այս վերնագիրը ասում է, որ ինչքան աշխարի և բնության հրաշքներով հիանաս ու սիրես աշխարհը, այնքան այն անուշ կլինի ու ցանկալի վայր բնակչության համար։ Իսկ եթե աշխարհը աղտոտես ու չսիրես այն, այնքան աշխարհը գլխիդ փորձանքներ կբերի։ Այդ իսկ պատճառով, որպեսզի աշխարհը քեզ սիրի ու ու գլխիդ փորձանք չգա, պետք է աշխարհը սիրես ու աշխարհով հիանաս։նկար Հայկ