Քիմիան և դեղերը

Բժշկության մեջ իր դերը ունի նաև դեղագիտությունը՝ թե ինչպե՞ս օգտագործել այն, որ ոչ ոքի վնաս չպատճառի, իմանալ, թե ինչպես է այն ազդում կենդանի օրգանիզմի վրա և այլ բաներ կապված են դեղագիտության հետ։ Ես կներկայացնեմ երկու դեղ՝ Նուրոֆեն և Նիմեսիլ։

Նուրոֆեն

Նուրոֆենը հանդես է գալիս որպես ցավազրկող, ջերմիջեցնող և հակաբորբոքային միջոց: Թողարկվում է հաբերի, մոմիկների և օշարակի ձևով /ելակի կամ նարնջի համային հավելումներով/ : Ազդող նյութը իբուպրոֆենն է: Ցուցված է գլխացավի, ատամնացավի, մկանացավերի,ռեվմատիկ ցավերի և այլ դեպքերում: Հակացուցված է իբուպրոֆենի կամ պրեպարատի ցանկացած այլ կոմպոնենտի հանդեպ գերզգայնության, բրոնխիալ աստմաի լրիվ կամ ոչ լրիվ ձևի, ստամոքսաաղիքային համակարգի էրոզիա-խոցային հիվանդությունների, ծանր երիկամային անբավարարության և այլ դեպքերում: Հաբերը պետք է ընդունել պարտադիր անհրաժեշտ քանակությամբ ջրով: Այն հիվանդերին որոնք ունեն որոշակի ստամոքսային գերզգայնության խնդիրներ խորհուրդ է տրվում կիրառել պրեպարատը ուտելու ընթացքում:

Նիմեսիլ

Նիմեսիլը սպիտակադեղնավուն հատիկավոր փոշի է՝ նարջի հոտով։ Նրա ակտիվ նյութը Նիմեսուլիդն է, հավելյալ նյութեր՝ սախարոզա, մալտոդեքստրին, կիտրոնաթթու և նարնջի բուրավետիչ։ Նիմեսուլիդը հանդիսանում է ոչ հորմոնալ հակաբորբոքիչ պրեպարատ՝ սուլֆոնալիդների դասից։ Այն օգտագործվում է սուր ցավերի, վնասվածքային, մկանային և ատամային ցավերի համար։ Նիմեսիլը հակացուցված է Նիմեսուլիդի հանդեպ գերզգայունություն ունեցող մարդկանց, երեխաների (մինչև 12 տարեկան), մարսողական տրակտի բորբոքային հիվանդությունների ժամանակ, Կրոնի հիվանդության ժամանակ, խոցային կոլիտի, խոցային հիվանդությունների, ստամոքսի 12-մատնյա հիվանդությունների ժամանակ, արյան մակարդելության ծանր խանգարումների, ծանր սրտային անբավարարությունների ժամանակ, լյարդային անբավարարություն, ինչպես նաև հակացուցված է հղիներին և կերակրող մայրերին։